ශ්‍රී ලංකාව දියුණු රාජ්‍යයක් බවට පත්කිරීමේ ගමන් මගේ ප්‍රධාන පාර්ශවකරුවන් අතර නිෂ්පාදන කර්මාන්තකරුවන් ඉදිරියෙන්ම සිටින බවත් එහි ප්‍රධාන පියවරක් ලෙස මෙවර අයවැයෙන් කර්මාණ්ත ක්ෂේත්‍රය සදහා රුපියල් බිලියන 120 ක් සහ කර්මාණ්ත කරුවන්ගේ ණය පහසුකම් වෙනුවෙන් රුපියල් බිලියන 80ක් වෙන් කළ බවත් කර්මාන්ත සහ ව්‍යවසායකත්ව සංවර්ධන අමාත්‍ය සුනිල් හදුන්නෙත්ති මහතා අනාවරණය කළේය.
අමාත්‍යවරයා මේ බව ප්‍රකාශ කළේ පෙරේදා (19) කොළඹ බණ්ඩාරනායක අනුස්මර සම්මන්ත්‍රන ශාලාවේ (BMIGH) 08 වැනි වරට පැවැත්වූ බස්නාහිර පළාත් ව්‍යවසාය සම්මාන 2025 වැඩසටහනේ ප්‍රධාන ආරාධිතයා ලෙස සහභාගිවූ අවස්ථාවේදීය.
ක්ෂුද්‍ර, කුඩා, මධ්‍යම, හා මහාපරිමාන මට්ටමින් ව්‍යවසායකුලෙස සිය ගමන්මගේ අත්කරගත් විශිෂ්ඨතා ඇගයීම සදහා මෙම සම්මාන උළෙල සංවිධානය කර තිබූ අතර එහිදී සම්මාන කාණ්ඩ 26 යටතේ ව්‍යවසායකයින් 54 දෙනෙකු රන්, රිදී, ලෝකඩ සහ කුසලතා සම්මානයෙන් අගයනු ලැබිණි.
ජාතික ව්‍යවසාය සංවර්ධන අධිකාරිය සහ ශ්‍රී ලංකා වාණිජ මණ්ඩලය එක්ව සංවිධානය කළ මෙම වැඩසටහන සදහා කර්මාණ්ත සහ ව්‍යාවසායකත්ව අමාතයංශයේ අතිරේඛ ලේකම් අනෝජා හේරත්, ජාතික වානිජ මන්ඩලයේ සභාපති අනුර වර්ණකුලසූරිය ජාතික ව්‍යවසායකත්ව සංවර්ධන අධිකාරියේ සභාපති ලක්ෂ්මන් අබේසේකර යන මහත්ම මහත්මීන් සහ රාජ්‍ය නිලධාරින් මෙන්ම ව්‍යවසායන් ද එක්ව සිටියහ.
