ශ්‍රී ලාංකික සහ ඉන්දියානු හස්ත කර්මාණ්ත ශිල්පීන්ගේ කලාත්මක නිර්මාණ ඇතුලත් දෙස් ,විදෙස් වෙළද කුටි 100 කින් සමන්විත වෙළද සල්පිලක් ඊයේ (13) හැව්ලොක් සුපිරි වෙළද සංකීර්ණයේදී ආරම්භ කෙරිණි.
විචිත්‍ර සංස්කෘතික උත්සවයක් සමගින් ආරම්භ කෙරුණු මෙම වෙළද සල්පිලේ ප්‍රධාන ආරාධිතයා ලෙස කර්මාණ්ත සහ ව්‍යවසායකත්ව සංවර්ධන අමාත්‍යය සුනිල් හදුන්නෙත්ති මහතා එක් විණි.
කර්මාණ්ත සහ ව්‍යවසායකත්ව සංවර්ධන අමාත්‍යංශය යටතේ ක්‍රියාත්මක ජාතික ශිල්ප සභාව සහ ඉන්දියානු මහ කොමසාරිස් කාර්යාලය විසින් මෙම වෙළද සල්පිල සංවිධානය කර තිබූ අතර එහිදී දේශීය හස්තකර්මාණ්ත ශිල්පීන් ගේ භාණ්ඩ සදහා අතරමැදියන්ගෙන් තොරව ඝෘජු වෙළදපොලක් සකස් කර දීම, ශ්‍රී ලාංකික හස්ත කර්මාන්ත ලෝලීන් සදහා දෙස් විදෙස් අළෙවිකරුවන් මුණගැස්වීම. ඉන්දු ලංකා මිත්‍රත්වයට තවදුරටත් වර්ධනය කිරීම අරමුණ වී තිබිණි.
මෙහි සමාරම්භක අවස්ථාව සදහා ශ්‍රී ලංකාවේ ඉන්දියානු මහ කොමසාරිස් සන්තෝෂ් ජා, කර්මාණ්ත සහ ව්‍යවසායකත්ව සංවර්ධන නියෝජ්‍ය අමාත්‍යය චතුරංග අභයසිංහ, එම අමාත්‍යංශයේ ලේකම් තිලකා ජයසුන්දර, අතිරේක ලේකම් සුභද්‍රා වල්පොල, ඉන්දුයානු නියෝජය මහ කොමසාරිස් ඇතුලු එම කාර්යාලයේ නිලධාරින්, ජාතික හිල්ප සභාවේ සභාපතිනි අයේෂා වික්‍රමසිංහ යන මහත්ම මහත්මීන් පිරිසක් සහභාගි වූහ
රෙදිපිළි සහ ඇගලුම්, විසිතුරු ආභරණ, සම්භාන්ඩ, විසිතුරු ගෘහ අලංකරණ ඇතුලත් මෙම වෙළද ප්‍රදර්ශනය 13 දා සිට 16 දින දක්වා දින 04ක් පුරා පැවැත්වීමට කටයුතු යොදා ඇත.