අද සිට මගී ප්‍රවාහණයේදී ප්‍රවේශ පත්‍ර ඩිජිටල් ක්‍රමයට නිකුත් කෙරෙයි.
තට්‍ටු ගනනින් ඉහළට අදිවේගී මාර්ග තැනීම හෝ නවීන මාර්ග සැලසුම් නිර්මාණය කිරීම මගින් ප්‍රවාහණ සේවාවේ ඇති ගැටලු නිරාකරණය කළ නොහැකි බවත් ඒ සදහා ඇති එකම විසදුම පොදු ප්‍රවාහණ සේවාව උසස් මට්ටමට දියුණු කිරීම බවත් ප්‍රවාහණ මහාමාර්ග සහ නාගරික සංවර්ධන අමාත්‍ය බිමල් රත්නායක මහතා අවධාරණය කළේය.
“අප රටේ පොදු ප්‍රවාහණ සේවාව භාවිතා කරන මගීන්ට අනේකවිධ දුක් කරදර හිරිහැර විදීමට සිදුවෙනව විශේෂයෙන්ම කාන්තාවන්ට මෙම තත්ත්වය යටතේ පීඩාව වැඩියි. පොදු ප්‍රවාහණ සේවය භාවිතා කිරීම මානසික පීඩාව ඉහළ යන හේතුවක් වෙලා“
“බස් රථවල ගමන් කරන මගීන්ට කිසිම ගරුත්වයක් නැහැ, ඒ වගේම බස් එක නියමිත තැන නතර කරන්නෙ නැහැ, නියමිත තැනින් බස්සන්නෙ නැහැ, ටිකට් දෙන්නෙ නැහැ, ඉතුරු සල්ලි දෙන්නෙ නැහැ, මේ වගේ විවිධ ප්‍රශ්ණ ගනනාවක් තිබෙනව”
“පෞද්ගලික මගී ප්‍රවාහන සේවාවේ ද විවිධ අඩුපාඩු සහ ගැටලු පවතිනව ගමනාගමන මණ්ඩලය සහ පෞද්ගලික සේවාව අතර පවතින තරගය යුක්ක්‍රේන් යුද්ධය වගේ, කිසිම විනයක් නැහැ, මගීන්ට ආරක්ෂාවක් නැහැ, ඒ වගේම මිනිසුන්ගෙ පිලිගැනීමක් නැහැ මේ කර්මන්තය පිරිහිලා ඒ නිසා ව්‍යවසායකින් මෙම ක්ෂේත්‍රයේ ආයෝජනය කිරීමට අකමැතියි. පළමුව මෙම සේවාව පිලිබදව විනයක් සැදිය යුතුයි. නිවරදි කළ යුතු තැන් බොහොමයක් තියෙනව”
“කෙසේ වුවත් අද ආරම්භ කළ වැඩ පිළවෙල මෙයින් ඉතා සුලු ප්‍රශ්නයකට විසදුමක් පමණයි“ එසේම මෙම සේවාවේ විවිධ ගැටලු ඇතිවිය හැකියි. නියමු ව්‍යාපෘතියක් ලෙස ආරම්භ කළ දෙයක් අඩුපාඩු හදුනාගෙන ඒවා අවම කර ගැනීමට කටයුතු කළ යුතුයි” යැයි අමාත්‍යවරයා කීය.
අද(24) මාකුඹුර බහුවිධ ප්‍රවාහණ මධ්‍යස්ථානයේදී ඩිජිටල් කාඩ්මගින් බස් ගාස්තු ගෙවීමේ ක්‍රමවේදය මගී ජනතාවට හදුන්වාදීමේ සමාරම්භක අවස්ථාවට එක්වෙමින් අමාත්‍ය බිමල් රත්නායක මහතා මේ බව පැවසීය.
මෙහි පළමු අධියර ලෙස මාකුඹුර සිට මාතර, ගාල්ල, බදුල්ල යන ප්‍රදේශ වලට ගමන් ගන්නා බැංකු කාඩ් මගින් ගෙවීම ඇරඹුනු අතර ඊට සමගාමීව බොරැල්ල කඩවත මෙන්ම ඌව පළාතේ මාර්ගස්ථ මගී ප්‍රවාහන සේවය මගින් ද ඩිජිටල් භාවිතය මගින් බස් ගාස්තු ගෙවීමේ ක්‍රමය ආරම්භ කෙරිණි.
ඉදිරියේදී මෙම වැඩ පිළවෙළ මුළු රටම ආවරණය වන පරිදි ක්‍රියාවට නංවන බවද අමාත්‍යවරයා මෙහිදී සදහන් කළේය.
