කොළඹ නුවර ප්‍රධාන මාර්ගයේ පහළ කඩුගන්නාව, ගනේතැන්න ප්‍රදේශයේ ආපනශාලවක් මතට ගල් පර්වතයක් පෙරළීම නිසා නිසා සිදුවූ විශාල අනතුරින් මිය ගිය පුද්ගලයන් ගනන 06 දක්වා ඉහළ ගොස් ඇති බව ආපදා කළමනාකරණ මධ්‍යස්ථානය නිවේදනය කළේය.
අද උදෑසන 9ට පමන මෙම අනතුර සිදුවන අවස්ථාවේදී එම වෙළද සැලේ පුද්ගලයන් 15 දෙනෙකු පමණ සිට ඇති බවට සැක කෙරෙන අතර එම පිරිස අතර ආපනශාලාවට තේ පානය සදහා පැමිණි පිරිස සහ එහි කාර්ය ඇතුලත් වූ බව වාර්තා වෙයි.
මෙම අනතුර සිදුවූ ස්ථානයේ සුන්බුන් අතර සිරවූ පුද්ගලයන් සොයා දැවැන්ත මෙහෙයුමක් දියත් කළ අතර එහිදී බේරාගත් පුද්ගලයන් 07 දෙනෙකු කඩිනමින් රෝහල් ගත කර ඇත.
සුන්බුන් අතර තවත් පුද්ගලයන් සිරවී සිටින බවට අනාවරණය වීමෙන් අනතුරුව මේ වනවිටද ඔවුන් බේරා ගැනීමේ මෙහෙයුම් ක්‍රියාත්මක වන බව ආපදා කළමණාකරණ මධ්‍යස්ථානයෙන් අප වෙබ් අඩවිය කළ විමසුමකට පිලිතුරු ලෙස සදහන් කළේය.
කෙසේවුවද මෙම ප්‍රදේශයේ පවතින අවධානම් තත්ත්වය හේතුවෙන් නායයෑම් සිදුවූ ස්ථානය නැරඹීමට පැමිණීමෙන් වලකින ලෙස පොලීසිය මහජනතාවට දැනුම් දෙයි.